Larlako trikuharriak

Meatzeetako arrastoez gain, aztarna arkeologiko ainitz badira Larlan. Horietarik zaharrenek mendi horretan historiaurrean jendea bazela erakusten digute. Hiru hilobi dira, hots, hiru trikuharri, J. Blot jakintsuaren arabera. Larlako mendi gaineko hegian dira. Mikelareko monumentua mendiaren iparreko puntan den kasko batean da (358 m-ko goratasunean). Baihuntzako bi monumentuak, aldiz, hegoaldeko puntan dira (420 m-ko eta 400 m-ko goratasunean). Hareharrizko lauzaz osatu hil ganbarak dira, aldi oro harrizko tumulu baten erdian altxatuak (8 eta 12 m-ren arteko diametroa).

(Iturria: Blot, J. (1993) : Archéologie et montagne basque, Saint-Sébastien/Bayonne.)